Mga Kuwento
Ang Pundasyon ng Malasakit
Sulat ni Reuben Gonzales.
“Lawakan ‘yung pag-unawa.”
"Kuwentong GK" Hindi Malilimutan
Hindi malilimutan ni Jeffrey Diokno ang panahon na ginagawa pa lang ang GK community. Habang unti-unting nabubuo ang mga bahay, nakita rin niya kung paano nabubuo ang isang komunidad sa pamamagitan ng sama-samang pagtutulungan.
“First time kong gumawa dito. As in, paano siya gawin talaga.”
Pakikipagkapuwa sa Komunidad
Habang binubuo ang komunidad, unti-unti ring nabuo ang pananaw ni Jeffrey tungkol sa pakikipagkapuwa. Doon niya nakita na hindi kailangang matagal nang magkakilala ang mga tao para magtulungan. Minsan, sapat na ang iisang layunin para magsimula ang malasakit sa isa’t isa.
“Nagtutulungan kahit di mo kakilala.”
Mga Natutunan
Sa pagtutulungan, may mga pagkakataon ding hindi agad nagkakaintindihan ang mga tao. Ngunit para kay Jeffrey, mas mahalagang magtanong at maglinaw kaysa agad mag-isip ng mali. Sa ganoong paraan, mas nagiging malinaw ang intensyon ng bawat isa at mas madaling nagkakaunawaan.
“[Minsan] iba yung naiintindihan nila sa gusto mong sabihin.”
Mensahe para sa Komunidad
Para kay Jeffrey, mas tumitibay ang samahan kapag pinipili nating unawain ang pinanggagalingan ng isa’t isa. Minsan, ang simpleng pakikinig ang unang hakbang para maiwasan ang hindi pagkakaintindihan.
Mga Depinisyon
Pakikipagkapuwa – Pagpapakita ng malasakit sa kapwa sa pamamagitan ng pagtutulungan at mahinahong pakikipag-usap upang mapanatili ang pagkakaisa.
Misunderstanding – Hindi pagkakaintindihan na nangyayari kapag iba ang naging pagkaunawa sa nais iparating ng isang tao.
Mga Comment
May tanong ka ba o gusto ibahagi?
Makipag-ugnayan sa amin at magkuwentuhan tayo. Tulad ng kapitbahay, lagi kaming handang tumulong at makinig.